بحرین کی ڈکٹیٹر حکومت کی جانب سےاعلان شدہ پارلیمانی انتخابات کی مخالفت میں عوام نے مخالفین کی طرف سے منعقدہ عوامی ریفرینڈم میں بڑہ چڑہ کرحصہ لیا۔
اہل بیت(ع) نیوز ایجنسی۔ابنا۔ العالم ٹی وی چینل کی رپورٹ کے مطابق کئی مقامات پرووٹنگ کے مراکز پر پولیس نے ووٹروں پر آنسوگیس کا استعمال کیااور فائرنگ کی۔ اپنے مستقبل کی تعمیر کے لئے عوام نے ریفرینڈم میں بڑے پیمانے پرحصہ لیاجبکہ ڈکٹیٹر حکومت کی جانب سے پارلیمانی انتخابات کے بائیکاٹ کا عمل بھی جاری رہا۔ دوسری جانب عام انتخابات کے انتعقاد سے قبل سیکورٹی اہلکاروں نے مخالف مظاہرین پر حملے کئے۔ بحرین کے دراز قصبے کی سڑکوں پرحکومت مخالف ہزاروں لوگوں نے مظاہرے کئے جس کے دوران سیکورٹی اہلکاروں سے ان کی جھڑپیں ہوگئيں۔ذرائع کا کہنا ہے کہ پارلیمانی انتخابات سے قبل سیکورٹی اہلکاروں نے منامہ ، دراز، کرزکان اور سنابس سے کئی لوگوں کو گرفتار کرلیا۔ مخالفین کا کہنا ہے کہ وہ پارلیمانی انتخابات کا بائیکاٹ کرتے ہيں۔ اپوزیشن گروہ الوفاق کے سربراہ شیخ علی سلمان نے جمعرات کو کہا تھاکہ پارلیمانی انتخابات کا بائیکاٹ اس بات کا ثبوت ہے کہ عوام، ملک میں جمہوری اصلاح کی خواہشمند ہے اور ہم نے بحرین کے عوام سے مطالبہ کیا ہے کہ وہ عام انتخابات کا بائیکاٹ کرےکیونکہ کسی کو بھی اس کے لئے مجبور نہيں کیاجاسکتا۔ شیخ علی سلمان نے کہا ہے کہ میرا ماننا ہے کہ یہ انتخابات دکھاوا ہیں۔
۔۔۔۔۔۔۔۔۔۔۔۔۔۔۔۔
۲۴۲
